Author: g***9
Date:
Review: بصراحة المنتج كثير عملي وأفضل مما توقعت 🤍 الجودة تبعته رائعة والخامة قوية ومرتبة، وواضح إنه معمول ليستعمل لفترة طويلة. كثير حبيت فكرة إنه إجا معه إسفنجة الجلي، فكل شيء جاهز للاستعمال من أول ما يوصلك بدون ما تحتاجي تشتري إضافات. أكثر نقطة عجبتني إنه استخدامه سهل جدًا، مجرد كبسة بسيطة وبيطلع صابون الجلي بكمية مناسبة وبتتوزع على الإسفنجة بشكل مرتب بدون هدر أو فوضى، وهذا الشي بيسهل الجلي كثير وبيخلي الاستخدام أسرع وأنظف. كمان من الأشياء العملية جدًا فيه إنه بيفصل بين نوعين من الصابون داخل نفس العلبة، يعني بتقدري تحطي مثلًا صابون للجلي وقسم ثاني لصابون الأيدي أو نوعين مختلفين من سائل الجلي حسب الاستخدام، وهاي الفكرة كثير ذكية ومريحة خصوصًا للمطبخ. التصميم مرتب وحجمه مناسب وما بأخذ مساحة كبيرة، وبنفس الوقت شكله حلو على المجلى. بصراحة حبيته كثير لأنه عملي ومرتب وبيسهل الاستخدام اليومي بشكل واضح، وأنصح فيه جدًا خصوصًا للي بحبوا الترتيب والأشياء العملية بالمطبخ 🌸✨
Color: Multicolor
